Strendir: Stuðulskonsert í Missiónshúsinum á Strondum
Stór stuðulskonsert, til frama fyri Kaju Nemuel og Nemuel Babba, verður í Missiónshúsinum á Strondum fríggjakvøldið 18. mars kl. 20.
Kaja, ið er ættað úr Rituvík, hevur verið trúboðari í Afrika síðan 1969. Kaja er gift við Nemuel Babba, sum hevur arbeitt sum prestur í fleiri ár.
Bæði eru tey stødd í Føroyum í løtuni, og í tí sambandi verður skipað fyri eini stuðulskonsert, har tey eisini koma at greiða stutt frá, hvat tey arbeiða fyri.
Skrá
- Andakt við Unn Justinussen
- Bárður á Lakjuni
- Fríðbjørg Jensen
- Kaja og Nemuel greiða frá
- Jan Jacobsen og Jórun Pálsdóttir
- Borgfríð Fonsdal
- Heine og Jóhanna Lützen
- Kaffi/te + okkurt søtt
Til ber at lata eina peningagávu á konto: 9181-421.204.7. Eisini verður høvi at lata eina gávu á staðnum.