Runavíkar kommuna: Ruddingardagur verður 21. mai
Runavíkar kommuna heitir, aftur í ár, á allar borgarar um at taka lut í árligu ruddingini og á tann hátt verða við til at fríðka um heimstaðin.
Morgunmatur verður, sí hvar niðanfyri. Aftaná fara vit at rudda.
Starvsfólk frá verkstaðnum í samstarv við IRF, syrgja fyri, at ruskið verður heintað.
Ruskið
Vit vilja heita á øll um at skilja ruskið soleiðis:
· Alt smátt rusk til at brenna, kann koyrast í posarnar
· Stórir lutir at brenna, skulu í ein bunka fyri seg
· Jarn skal liggja fyri seg
· Um tit finna dunkar við olju ella líkandi, so skal hetta stillast við vegin
Posarnir og ruskið skulu leggjast á eitt sjónligt stað á ein av teimum størru vegunum, so at tey, sum heinta ruskið, hava lætt við at síggja, hvar ruskið liggur.
Morgunmatur verður á hesum støðum og har kunnu posar og handskar heintast fram til kl. 13.00:
Æðuvík – kl. 10.00 í missiónshúsinum – Karhild Davidsen er samskipari tlf. 219281
Rituvík – kl. 10.00 á spæliplássinum - Súsanna Debes er samskipari tlf. 263620
Runavík, Saltangará og Glyvrar – kl. 9.00 í Gula Smiðju – Beata Hansen er samskipari tlf. 508576
Lamba og Lambareiði – kl. 9.00 í skúlanum í Lamba - Bárður Højgaard er samskipari tlf. 221328
Søldarfjørður og Skipanes – kl. 10.00 á spæliplássinum í Søldarfirði - Petur Hansen er samskipari tlf. 508575
Skála – kl. 9.00 í ítróttarhøllini á Skála – Heidi Niclasen er samskipari tlf. 269614
Skálafjørður – kl. 9.00 í gamla skúla – Ása Hansen er samskipari tlf. 515858
Oyndarfjørður – kl. 9.00 í skúlanum í Oyndarfirði - Ingeborg Klein er samskipari tlf. 744370
Funningsfjørður – kl. 9.00 í skúlanum í Funningsfirði – lokalnevndin er samskipari tlf. 216630, 250107, 219122
Elduvík – kl. 9.00 í skúlanum í Elduvík - Dánial Martin Hansen er samskipari tlf. 582505
Funningur - vegna at ferðamannaskip kemur til Funnings 21. mai, verður runningardagur í bygdini 28. mai.