Nes prestagjald:

Í samband við Várdagarnar fríðkaði Nes kommuna um økið niðri á Nesi, sum nú er vorðið rættuliga hugnaligt. Tí seta vit hvør øðrum stevnu niðri á Neshamri. Hetta til uttandura gudstænastu hvítusunnudag.

Veðurforsagnirnar tykjast góðar. Turt og eitt lítið lot av útnyrðingi.

Aftaná gudstænastuna verður drekkamuður at fáa, umframt at høvi verður at vitja í Gamla prestagarði og í Nes kirkju.

Gudstænastan verður í Nes kirkju, um tað ikki viðrar.

Talvan gongur fyri Føroyska Bíbliufelagið.

Heitt verður á fólk um at hava egna sálmabók við, ella at taka niður sálmabókaappina á telefonina.

Vælkomin øll!